phir koi KHalish nazd-e-rag-e-jaan to nahin hai

Ram Krishn Muztar

phir koi KHalish nazd-e-rag-e-jaan to nahin hai

Ram Krishn Muztar

MORE BYRam Krishn Muztar

    phir koī ḳhalish nazd-e-rag-e-jāñ to nahīñ hai

    phir dil meñ vahī nashtar-e-mizhgāñ to nahīñ hai

    kyuuñ shaam se Duube se ho ummīd ke taaro

    ābādī-e-dil-e-shahr-e-ḳhamoshāñ to nahīñ hai

    kyuuñ hai dil-e-vahshat-zada bezār guloñ se

    tā-hadd-e-nazar rāh-e-bayābāñ to nahīñ hai

    kyuuñ uThne lage aaj qadam jānib-e-sahrā

    phir josh-e-junūñ silsila-e-jumbā to nahīñ hai

    ai dost rah-e-zīst bhī hai tīra-o-pur-ḳham

    lekin ye tirī kākul-e-pechāñ to nahīñ hai

    har choT hāsil haiñ bilakte hue aañsū

    ye dard ye ġham qismat-e-insāñ to nahīñ hai

    ai kaash koī mauj mujhe itnā batā de

    sāhil pe bhī ye shorish-e-tūfāñ to nahīñ hai

    har shai meñ tire husn zau dekh rahā huuñ

    haañ mujh ko tirī zaat irfāñ to nahīñ hai

    phūloñ tarah hañsne lage zaḳhm hazāroñ

    dil bhī kahīñ majrūh-e-bahārāñ to nahīñ hai

    lahrāne lage kyuuñ mirī palkoñ meñ hasīñ ḳhvāb

    ye sāya-e-gesū-e-pareshāñ to nahīñ hai

    ye rañg ye ḳhushbū ye tabassum ye shuā.eñ

    ye anjuman-e-zohra-jabīnāñ to nahīñ hai

    ai dost maiñ jiitā huuñ tire ġham ke sahāre

    aġhyār mujh par koī ehsāñ to nahīñ hai

    yuuñ dil hai har ik rañj-o-alam mutahammil

    lekin ġham-e-daurāñ ġham-e-jānāñ to nahīñ hai

    ye naaz ye andāz ye shoḳhī ye adā.eñ

    ai dil ye kahīñ bazm-e-hasīnāñ to nahīñ hai

    ye chaal ye āñkheñ ye nazar dekhnā 'muztar'

    ye shoḳh vahī rashk-e-ġhazālāñ to nahīñ hai

    phir koi KHalish nazd-e-rag-e-jaan to nahin hai

    phir dil mein wahi nashtar-e-mizhgan to nahin hai

    kyun sham se Dube se ho ummid ke taro

    aabaadi-e-dil-e-shahr-e-KHamoshan to nahin hai

    kyun hai dil-e-wahshat-zada bezar gulon se

    ta-hadd-e-nazar rah-e-bayaban to nahin hai

    kyun uThne lage aaj qadam jaanib-e-sahra

    phir josh-e-junun silsila-e-jumba to nahin hai

    ai dost rah-e-zist bhi hai tira-o-pur-KHam

    lekin ye teri kakul-e-pechan to nahin hai

    har choT ka hasil hain bilakte hue aansu

    ye dard ye gham qismat-e-insan to nahin hai

    ai kash koi mauj mujhe itna bata de

    sahil pe bhi ye shorish-e-tufan to nahin hai

    har shai mein tere husn ki zau dekh raha hun

    han mujh ko teri zat ka irfan to nahin hai

    phulon ki tarah hansne lage zaKHm hazaron

    dil bhi kahin majruh-e-bahaaran to nahin hai

    lahrane lage kyun meri palkon mein hasin KHwab

    ye saya-e-gesu-e-pareshan to nahin hai

    ye rang ye KHushbu ye tabassum ye shuaen

    ye anjuman-e-zohra-jabinan to nahin hai

    ai dost main jita hun tere gham ke sahaare

    aghyar ka mujh par koi ehsan to nahin hai

    yun dil hai har ek ranj-o-alam ka mutahammil

    lekin gham-e-dauran gham-e-jaanan to nahin hai

    ye naz ye andaz ye shoKHi ye adaen

    ai dil ye kahin bazm-e-hasinan to nahin hai

    ye chaal ye aankhen ye nazar dekhna 'muztar'

    ye shoKH wahi rashk-e-ghazalan to nahin hai

    Source:

    Raqs-e-bahar
    • Raqs-e-bahar
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY