phir na shikwe na kuchh gile likkhe
phir na shikve na kuchh gile likkhe
jab bhī ḳhāliq ke mo'jize likkhe
dard kī rah-guzar pe chalnā thā
is liye zaḳhm aable likkhe
gum-shuda 'aks ke fasāne meñ
kirchī kirchī se aa.ine likkhe
ḳhvāb meñ hijr kī navīd milī
maiñ ne milne ke faisle likkhe
qissa-e-ġham zarā chhupāne ko
maiñ ne kyā kyā na vāqa'e likkhe
us kī nafrat ko buuñd buuñd piyā
phir mohabbat ke zā.iqe likkhe
jis qalam ko sipās likhnā thā
us ne bastī ke sānahe likkhe
qurbatoñ se ġham-e-firāq talak
maiñ ne is dil ke hausle likkhe
jāgtī raat ke tasalsul meñ
soī āñkhoñ ke ratjage likkhe
us ke aane kī aarzū meñ 'ġhazal'
maiñ ne kāġhaz pe fāsle likkhe
phir na shikwe na kuchh gile likkhe
jab bhi KHaliq ke mo'jize likkhe
dard ki rah-guzar pe chalna tha
is liye zaKHm aable likkhe
gum-shuda 'aks ke fasane mein
kirchi kirchi se aaine likkhe
KHwab mein hijr ki nawid mili
main ne milne ke faisle likkhe
qissa-e-gham zara chhupane ko
main ne kya kya na waqa'e likkhe
us ki nafrat ko bund bund piya
phir mohabbat ke zaiqe likkhe
jis qalam ko sipas likhna tha
us ne basti ke sanahe likkhe
qurbaton se gham-e-firaq talak
main ne is dil ke hausle likkhe
jagti raat ke tasalsul mein
soi aankhon ke ratjage likkhe
us ke aane ki aarzu mein 'ghazal'
main ne kaghaz pe fasle likkhe
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
