phir tasawwur koi aankhon mein utara jae

phir tasavvur koī āñkhoñ meñ utārā jaa.e

kuchh purānī paḌī ġhazloñ ko nikhārā jaa.e

ye sunā hai ki vo guzreñge idhar se shāyad

is bahāne se chalo ghar ko sañvārā jaa.e

tez tūfān meñ bikhre hue sāhil se pare

aaj kashtī ko samundar meñ utārā jaa.e

dost dushman sabhī mujh ko haiñ Dubone vaale

Dūbte vaqt yahāñ kis ko pukārā jaa.e

ek muddat huī hai ḳhud se mulāqāt hue

apnī tanhā.ī meñ kuchh vaqt guzāra jaa.e

koī tarjīh na koī ho tavajjoh jis meñ

aisī mahfil meñ bhalā kaun dubāra jaa.e

phir tasawwur koi aankhon mein utara jae

kuchh purani paDi ghazlon ko nikhaara jae

ye suna hai ki wo guzrenge idhar se shayad

is bahane se chalo ghar ko sanwara jae

tez tufan mein bikhre hue sahil se pare

aaj kashti ko samundar mein utara jae

dost dushman sabhi mujh ko hain Dubone wale

Dubte waqt yahan kis ko pukara jae

ek muddat hui hai KHud se mulaqat hue

apni tanhai mein kuchh waqt guzara jae

koi tarjih na koi ho tawajjoh jis mein

aisi mahfil mein bhala kaun dubara jae