phir use DhunDne niklin meri bekal aankhen

phir use DhūñDne niklīñ mirī bekal āñkheñ

jaane kis moḌ pe jā kar hoñ mukammal āñkheñ

us ne jo baat chhupā.ī hai zamāne-bhar se

ab vahī baat sunātī haiñ vo pāgal āñkheñ

un meñ kuchh ḳhvāb the aur kuchh thiiñ suhānī yādeñ

kyā kahūñ kaise lagīñ niiñd se bojhal āñkheñ

qarya-e-hijr meñ kaise ye 'azāb utre haiñ

maiñ to bedār huuñ aur mujh se haiñ ojhal āñkheñ

jaane vāloñ ne kabhī lauT ke aanā hī nahīñ

aur ho jā.eñgī dahlīz pe hī shal āñkheñ

faisla jiit kā ab vaqt ne karnā hai 'riyāz'

maiñ ne to rakh dī haiñ dīvār pe ghāyal āñkheñ

phir use DhunDne niklin meri bekal aankhen

jaane kis moD pe ja kar hon mukammal aankhen

us ne jo baat chhupai hai zamane-bhar se

ab wahi baat sunati hain wo pagal aankhen

un mein kuchh KHwab the aur kuchh thin suhani yaaden

kya kahun kaise lagin nind se bojhal aankhen

qarya-e-hijr mein kaise ye 'azab utre hain

main to bedar hun aur mujh se hain ojhal aankhen

jaane walon ne kabhi lauT ke aana hi nahin

aur ho jaengi dahliz pe hi shal aankhen

faisla jit ka ab waqt ne karna hai 'riyaz'

main ne to rakh di hain diwar pe ghayal aankhen