پھر اسے خواب میں دیکھا ہے خدا خیر کرے
پھر اسے خواب میں دیکھا ہے خدا خیر کرے
وہ مرے ذہن پہ چھایا ہے خدا خیر کرے
اس نے پھر پیار جتایا ہے خدا خیر کرے
کوئی تو نیک ارادہ ہے خدا خیر کرے
ہر گھڑی ایک دھماکا ہے خدا خیر کرے
ہر نفس خون کا پیاسا ہے خدا خیر کرے
یہ کسی کی بھی ہوئی ہے تو بتائے کوئی
زندگی ایک چھلاوا ہے خدا خیر کرے
مصنوعی چہرا لگائے ہوئے ہے ہر کوئی
اب دکھاوا ہی دکھاوا ہے خدا خیر کرے
غالباً زندہ جلایا گیا ہوگا کوئی
چوک میں کیسا دھواں سا ہے خدا خیر کرے
پھر کوئی گل وہ کھلائے گا یقیناً یارو
مسکراتا ہوا آیا ہے خدا خیر کرے
ہم نے جس شخص پہ یہ زیست نچھاور کر دی
اب وہی آنکھیں دکھاتا ہے خدا خیر کرے
شکوہ سنجی کا زمانہ نہیں یہ اے نامہ
وقت نازک ہے بڑھاپا ہے خدا خیر کرے
مأخذ:
احسان حیات (Pg. 47)
- مصنف: نامی نادری
-
- ناشر: اومکار پرنٹنگ پریس، لدھیانہ
- سن اشاعت: 2013
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
