phul chehra aansuon se dho gae

Syed Hamid

phul chehra aansuon se dho gae

Syed Hamid

MORE BYSyed Hamid

    phuul chehra āñsuoñ se dho ga.e

    aa.e the hañsne chaman meñ ro ga.e

    dil ye ujḌā hai ki un yaad ko

    muddateñ guzrīñ zamāne ho ga.e

    kis liye mahfil meñ itnī barhamī

    ham chale jaate haiñ uTh kar lo ga.e

    jab chaleñge kāTne kal fasl ko

    tab khulegā aaj kyā kyā bo ga.e

    koī Thahrā hai kisī ke vāste

    kah rahe the jā.eñge ham so ga.e

    DhūñDte kyā gosha-e-maqsūd ko

    raah rañgīniyoñ meñ kho ga.e

    kis liye aa.e the yaañ taqdīr meñ

    bojh Dhonā jism thā Dho ga.e

    chhoḌnā mumkin na thā stage ko

    rol apnā karte karte so ga.e

    tiin sāthī rahe the saath saath

    ek baaqī rah gayā hai do ga.e

    kyā yahī hai dār-e-fānī kashish

    phir na lauTe us taraf ko jo ga.e

    kar rahā hai ik jahāñ jin tavāf

    but-kade meñ kis ke darshan ko ga.e

    aap āzurda hue 'hāmid' ḳhafā

    lījiye donoñ barābar ho ga.e

    phul chehra aansuon se dho gae

    aae the hansne chaman mein ro gae

    dil ye ujDa hai ki un ki yaad ko

    muddaten guzrin zamane ho gae

    kis liye mahfil mein itni barhami

    hum chale jate hain uTh kar lo gae

    jab chalenge kaTne kal fasl ko

    tab khulega aaj kya kya bo gae

    koi Thahra hai kisi ke waste

    kah rahe the jaenge hum so gae

    DhunDte kya gosha-e-maqsud ko

    rah ki ranginiyon mein kho gae

    kis liye aae the yan taqdir mein

    bojh Dhona jism ka tha Dho gae

    chhoDna mumkin na tha stage ko

    rol apna karte karte so gae

    tin sathi ja rahe the sath sath

    ek baqi rah gaya hai do gae

    kya yahi hai dar-e-fani ki kashish

    phir na lauTe us taraf ko jo gae

    kar raha hai ek jahan jin ka tawaf

    but-kade mein kis ke darshan ko gae

    aap aazurda hue 'hamid' KHafa

    lijiye donon barabar ho gae

    Source
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY