پھول ہیں ہم بہار ہیں ہم لوگ
پھول ہیں ہم بہار ہیں ہم لوگ
خوش نما خوش گوار ہیں ہم لوگ
شاعر دل فگار ہیں ہم لوگ
فطرتاً شعلہ بار ہیں ہم لوگ
موند کر آنکھیں کھول دیتے ہیں
غافل و ہوشیار ہیں ہم لوگ
ہم سے کیا پوچھتے ہو حال دل
داستان ہزار ہیں ہم لوگ
زینت انجمن اگر ہیں آپ
رونق بزم یار ہیں ہم لوگ
خوب اچھی طرح سمجھ لیجے
وقت کی اک پکار ہیں ہم لوگ
یا تری یاد دل میں رہتی ہے
یا تغافل شعار ہیں ہم لوگ
یا ہیں اپنے وطن میں اے ہمدمؔ
یا غریب الدیار ہیں ہم لوگ
مأخذ:
مشت غبار (Pg. 63)
- مصنف: ہمدم صدیقی
-
- ناشر: ایجو کیشنل پبلشنگ ہاؤس، نئی دہلی
- سن اشاعت: 2009
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
Close
rare Unpublished content
This ghazal contains ashaar not published in the public domain. These are marked by a red line on the left.
