phulon ko apne panw se Thukrae jate hain

Kalb-e-husain Nadir

phulon ko apne panw se Thukrae jate hain

Kalb-e-husain Nadir

MORE BYKalb-e-husain Nadir

    phūloñ ko apne paañv se Thukrā.e jaate haiñ

    mal kar vo itr baaġh meñ itrā.e jaate haiñ

    ai dil qarār sabr hai lāzim firāq meñ

    betābiyoñ se kyā vo tirī aa.e jaate haiñ

    aa.e haiñ din bahār ke sayyād kah rahā

    taa.ir qafas meñ baaġh ke ghabrā.e jaate haiñ

    chuhloñ se chheḌ-chhāḌ se vāqif nahīñ haiñ vo

    kyā gudgudā.iye ki vo sharmā.e jaate haiñ

    tar sharm ke pasīne se aise hue haiñ raat

    malbūs-e-ḳhās dhuup meñ sukhlā.e jaate haiñ

    nāzuk kamar vo aise haiñ vaqt-e-ḳhirām-e-nāz

    zulfeñ jo kholte haiñ to bal khaa.e jaate haiñ

    shukr-e-ḳhudā-e-pāk hai ai 'nādir'-e-hazīñ

    ummat meñ ham rasūl kahlā.e jaate haiñ

    phulon ko apne panw se Thukrae jate hain

    mal kar wo itr bagh mein itrae jate hain

    ai dil qarar sabr hai lazim firaq mein

    betabiyon se kya wo teri aae jate hain

    aae hain din bahaar ke sayyaad kah raha

    tair qafas mein bagh ke ghabrae jate hain

    chuhlon se chheD-chhaD se waqif nahin hain wo

    kya gudgudaiye ki wo sharmae jate hain

    tar sharm ke pasine se aise hue hain raat

    malbus-e-KHas dhup mein sukhlae jate hain

    nazuk kamar wo aise hain waqt-e-KHiram-e-naz

    zulfen jo kholte hain to bal khae jate hain

    shukr-e-KHuda-e-pak hai ai 'nadir'-e-hazin

    ummat mein hum rasul ki kahlae jate hain

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY