phulon mein wo KHushbu wo sabahat nahin aai

Aitbar Sajid

phulon mein wo KHushbu wo sabahat nahin aai

Aitbar Sajid

MORE BYAitbar Sajid

    phūloñ meñ vo ḳhushbū vo sabāhat nahīñ aa.ī

    ab tak tire aane shahādat nahīñ aa.ī

    mausam thā numā.ish magar aañkh na kholī

    jānāñ tire zaḳhmoñ ko siyāsat nahīñ aa.ī

    jo ruuh se āzār mānind lipaT jaa.e

    ham par vo ghaḌī ai shab-e-vahshat nahīñ aa.ī

    ai dasht-e-anal-haq tire qurbān abhī tak

    vo manzil iz.hār-e-sadāqat nahīñ aa.ī

    ham log ki haiñ maaoñ se bichhḌe hue bachche

    hisse meñ kisī ke bhī mohabbat nahīñ aa.ī

    ham ne to bahut harf tirī mad.h meñ soche

    afsos ki sunvā.ī naubat nahīñ aa.ī

    larze bhī nahīñ shahr ke hassās dar-o-bām

    dil raakh hue phir bhī qayāmat nahīñ aa.ī

    'sājid' vo sahar jis ke liye raat bhī roī

    aa.ī to sahī hasb-e-zarūrat nahīñ aa.ī

    phulon mein wo KHushbu wo sabahat nahin aai

    ab tak tere aane ki shahadat nahin aai

    mausam tha numaish ka magar aankh na kholi

    jaanan tere zaKHmon ko siyasat nahin aai

    jo ruh se aazar ki manind lipaT jae

    hum par wo ghaDi ai shab-e-wahshat nahin aai

    ai dasht-e-anal-haq tere qurban abhi tak

    wo manzil izhaar-e-sadaqat nahin aai

    hum log ki hain maon se bichhDe hue bachche

    hisse mein kisi ke bhi mohabbat nahin aai

    hum ne to bahut harf teri madh mein soche

    afsos ki sunwai ki naubat nahin aai

    larze bhi nahin shahr ke hassas dar-o-baam

    dil rakh hue phir bhi qayamat nahin aai

    'sajid' wo sahar jis ke liye raat bhi roi

    aai to sahi hasb-e-zarurat nahin aai

    Source :
    • Book : Muntakhab Gazle.n (Pg. 27)
    • Author : Nasir Zaidi
    • Publication : Zahid Malik (1983)
    • Edition : 1983
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY