phunk kar dasht-e-arab ki kokh mein ruh-e-iram

phūñk kar dasht-e-'arab kī kokh meñ rūh-e-iram

ik ghanerī chhāoñ phailā dī sar-e-farq-e-umam

vo qadīm insān taḳhlīq-e-jahāñ se bhī qadīm

jis ke ehsāsāt kī tajsīm haiñ lauh-o-qalam

vo baqā-parvar ki bā-mā'nā hai mafhūm-e-vujūd

vo fanā-dushman ki ab ik lafz-e-muhmal hai 'adam

vo azal-āsār tā'līm-e-malā.ik jis kī bhiik

vo abad-kirdār jannat jis ke darvāze pe ḳham

jis ke bal par naaz kartā hai amānat kā mizāj

jis ke dam se saañs letā hai diyānat kā bharam

us se bāteñ kar ke pā le ham-kalāmī kā sharaf

tham ḳhudā ke vāste ai nā-rasā idrāk tham

ai qazā-āgāh mursal ai qadar-paimā nabī

ai ‘umūd-e-ḳhema-e-jāñ ai vujūd-e-kaif-o-kam

tū dayār-e-āgahī meñ rab ke hone kā nishāñ

tū fasīl-e-fahm par tauhīd-e-ḳhāliq kā 'alam

'aql kī ḳhāk-e-tayammum hai tire qadmoñ kī dhuul

fikr kā āb-e-vuzū hai terī peshānī kā nam

phunk kar dasht-e-'arab ki kokh mein ruh-e-iram

ek ghaneri chhaon phaila di sar-e-farq-e-umam

wo qadim insan taKHliq-e-jahan se bhi qadim

jis ke ehsasat ki tajsim hain lauh-o-qalam

wo baqa-parwar ki ba-ma'na hai mafhum-e-wujud

wo fana-dushman ki ab ek lafz-e-muhmal hai 'adam

wo azal-asar ta'lim-e-malaik jis ki bhik

wo abad-kirdar jannat jis ke darwaze pe KHam

jis ke bal par naz karta hai amanat ka mizaj

jis ke dam se sans leta hai diyanat ka bharam

us se baaten kar ke pa le ham-kalami ka sharaf

tham KHuda ke waste ai na-rasa idrak tham

ai qaza-agah mursal ai qadar-paima nabi

ai ‘umud-e-KHema-e-jaan ai wujud-e-kaif-o-kam

tu dayar-e-agahi mein rab ke hone ka nishan

tu fasil-e-fahm par tauhid-e-KHaliq ka 'alam

'aql ki KHak-e-tayammum hai tere qadmon ki dhul

fikr ka aab-e-wuzu hai teri peshani ka nam