pichhle ko uTh khaDa na ho dard-e-jigar kahin

Yagana Changezi

pichhle ko uTh khaDa na ho dard-e-jigar kahin

Yagana Changezi

MORE BYYagana Changezi

    Interesting Fact

    1913

    pichhle ko uTh khaḌā na ho dard-e-jigar kahīñ

    pahuñche na uḌte uḌte kahīñ se ḳhabar kahīñ

    kaifiyyat-e-hayāt se ḳhālī huā hai dil

    o sāqī-e-azal mirā paimāna bhar kahīñ

    mar jā.eñge taḌap ke asīrān-e-bad-nasīb

    sun pā.eñge jo muzda-e-vahshat-asar kahīñ

    phaḌkā kiye muraqqa-e-ālam ke husn par

    Thahrī kabhī na ahl-e-havas nazar kahīñ

    āḳhir hijāb-o-sharm had bhī hai mehrbāñ

    parda ulaT na de mirī āh-e-sahar kahīñ

    din vāda-e-visāl nazdīk aa chukā

    phir der kyā hai 'yās' are kambaḳht mar kahīñ

    pichhle ko uTh khaDa na ho dard-e-jigar kahin

    pahunche na uDte uDte kahin se KHabar kahin

    kaifiyyat-e-hayat se KHali hua hai dil

    o saqi-e-azal mera paimana bhar kahin

    mar jaenge taDap ke asiran-e-bad-nasib

    sun paenge jo muzda-e-wahshat-asar kahin

    phaDka kiye muraqqa-e-alam ke husn par

    Thahri kabhi na ahl-e-hawas ki nazar kahin

    aaKHir hijab-o-sharm ki had bhi hai mehrban

    parda ulaT na de meri aah-e-sahar kahin

    din wada-e-visal ka nazdik aa chuka

    phir der kya hai 'yas' are kambaKHt mar kahin

    Source :
    • Book : Kulliyat-e-Yagana (Pg. 152)
    • Author : Meerza Yagana Changezi Lukhnawi
    • Publication : Farib Book Depot (P) Ltd. (2005)
    • Edition : 2005
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 2-3-4 December 2022 - Major Dhyan Chand National Stadium, Near India Gate, New Delhi

    GET YOUR FREE PASS
    Speak Now