پینے پہ لگا کر پابندی دشنام کی باتیں کرتے ہیں
پینے پہ لگا کر پابندی دشنام کی باتیں کرتے ہیں
احسان اختر غازی پوری
MORE BYاحسان اختر غازی پوری
پینے پہ لگا کر پابندی دشنام کی باتیں کرتے ہیں
یہ زاہد و عابد مسجد میں خود جام کی باتیں کرتے ہیں
کیوں آج ہیں وہ گھبرائے ہوئے الزام کی باتیں کرتے ہیں
آغاز محبت سے پہلے انجام کی باتیں کرتے ہیں
جب میری وفا مشکوک نہیں پھر بات یہ کیسی ہوتی ہے
محفل میں بلا کر آخر کیوں الزام کی باتیں کرتے ہیں
کیا غنچہ و گل سے نسبت ہے بیکار ہے زینت گلشن کی
کانٹوں پہ بسر کرنے والے آرام کی باتیں کرتے ہیں
جب راز محبت کھلنے سے توہین محبت ہوتی ہے
کیوں اشک ندامت آنکھوں میں الزام کی باتیں کرتے ہیں
کس طرح گزارے ہجر کا دن یہ بات نہ پوچھو اخترؔ سے
وہ صبح کی باتیں کیا جانیں جو شام کی باتیں کرتے ہیں
مأخذ:
شعلۂ دل (Pg. 38)
- مصنف: احسان اختر غازی پوری
-
- ناشر: دلی پریس، غازیپور
- سن اشاعت: 2005
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
