pur-KHauf zulmaton se hamein phir nikaliye

pur-ḳhauf zulmatoñ se hameñ phir nikāliye

ab ke jo ho sake ka.ī sūraj uchhāliye

shāmil kisī kā haath hai merī uThān meñ

ye bel jo chaḌhī to koī aasrā liye

pata huuñ ek shāḳh se TuuTā girā huā

phirtī rahegī jaane kahāñ tak havā liye

inkār pyaas aag lahū tan darīdgī

kuufe se ho nasīb palaTnā to kyā liye

har baar apnī chup se ulajhte rahā kiye

āsāñ nahīñ haiñ harf-o-navā ke sivā liye

mumkin hai jism tāb-e-gohr dil kā ban sake

ye ḳhvāb hai to aañkh kī siipī meñ pāliye

shāyad kisī ḳhayāl kī tah meñ chhupe mileñ

sāhil hare-bhare ki samundar ne aa liye

pur-KHauf zulmaton se hamein phir nikaliye

ab ke jo ho sake kai suraj uchhaaliye

shamil kisi ka hath hai meri uThan mein

ye bel jo chaDhi to koi aasra liye

pata hun ek shaKH se TuTa gira hua

phirti rahegi jaane kahan tak hawa liye

inkar pyas aag lahu tan daridgi

kufe se ho nasib palaTna to kya liye

har bar apni chup se ulajhte raha kiye

aasan nahin hain harf-o-nawa ke siwa liye

mumkin hai jism tab-e-gohr dil ka ban sake

ye KHwab hai to aankh ki sipi mein paliye

shayad kisi KHayal ki tah mein chhupe milen

sahil hare-bhare ki samundar ne aa liye