pyar ke dip bujhe amn ke aiwan gire

pyaar ke diip bujhe amn ke aivān gire

dukh ke pātāl meñ phir kyoñ na ye insān gire

shīsha-e-dil pe kuchh is tarh paḌī zarb-e-alam

jaise jhoñke se havā ke koī guldān gire

zehn amvāj-e-ḳhayālāt meñ yuuñ Duub gayā

gahre tālāb meñ jaise koī chaTTān gire

ham ne vo daur bhī dekhā ki sar-e-shahr-e-vafā

tesha-e-ġham se tamannāoñ ke aivān gire

pyaar ik aag kā dariyā hai ye sab ‘ilm meñ thā

is ko kyā kahiye ki ham ban ke ḳhud anjān gire

ham vahāñ se bhī guzar aa.e junūñ meñ 'vāhid'

Thokareñ khā ke jahāñ sāhib-e-‘irfān gire

pyar ke dip bujhe amn ke aiwan gire

dukh ke patal mein phir kyon na ye insan gire

shisha-e-dil pe kuchh is tarh paDi zarb-e-alam

jaise jhonke se hawa ke koi guldan gire

zehn amwaj-e-KHayalat mein yun Dub gaya

gahre talab mein jaise koi chaTTan gire

hum ne wo daur bhi dekha ki sar-e-shahr-e-wafa

tesha-e-gham se tamannaon ke aiwan gire

pyar ek aag ka dariya hai ye sab ‘ilm mein tha

is ko kya kahiye ki hum ban ke KHud anjaan gire

hum wahan se bhi guzar aae junun mein 'wahid'

Thokaren kha ke jahan sahib-e-‘irfan gire