pyar ki rah mein aise bhi maqam aate hain

pyaar kī raah meñ aise bhī maqām aate haiñ

sirf aañsū jahāñ insān ke kaam aate haiñ

un kī āñkhoñ se rakhe kyā koī ummīd-e-karam

pyaas miT jaa.e to gardish meñ vo jaam aate haiñ

zindagī ban ke vo chalte haiñ mirī saañs ke saath

un ko aise ka.ī andāz-e-ḳhirām aate haiñ

ham na chāheñ to kabhī shaam ke saa.e na Dhaleñ

ham taḌapte haiñ to sub.hoñ ke salām aate haiñ

ham pe ho jaa.eñ na kuchh aur bhī rāteñ bhārī

yaad aksar vo hameñ ab sar-e-shām aate haiñ

chhin ga.e ham se jo hālāt kī rāhoñ meñ 'qatīl'

un hasīnoñ ke hameñ ab bhī payām aate haiñ

pyar ki rah mein aise bhi maqam aate hain

sirf aansu jahan insan ke kaam aate hain

un ki aankhon se rakhe kya koi ummid-e-karam

pyas miT jae to gardish mein wo jam aate hain

zindagi ban ke wo chalte hain meri sans ke sath

un ko aise kai andaz-e-KHiram aate hain

hum na chahen to kabhi sham ke sae na Dhalen

hum taDapte hain to subhon ke salam aate hain

hum pe ho jaen na kuchh aur bhi raaten bhaari

yaad aksar wo hamein ab sar-e-sham aate hain

chhin gae hum se jo haalat ki rahon mein 'qatil'

un hasinon ke hamein ab bhi payam aate hain