pyar kiya tha tum se maine ab ehsan jatana kya

Ahmad Ziya

pyar kiya tha tum se maine ab ehsan jatana kya

Ahmad Ziya

MORE BY Ahmad Ziya

    pyaar kiyā thā tum se maiñ ne ab ehsān jatānā kyā

    ḳhvāb huiiñ vo pyaar bāteñ bātoñ ko dohrānā kyā

    rāh-e-vafā hai ham-safro pur-azm raho haañ tez chalo

    chaar qadam pe manzil hai ab raah se vāpas jaanā kyā

    sañg-zanī o ta.ana-zanī is daur sheva hai yaaro

    apne dil meñ khoT nahīñ jab duniyā se ghabrānā kyā

    mai-ḳhāne meñ daur chale maiñ ik ik buuñd ko tarsā huuñ

    saaqī bhī hai merī nazar meñ shīsha kyā paimāna kyā

    mere dil ko toḌ ke āḳhir kyā khoyā kyā paayā hai

    shahr-e-sanam meñ rahne vaalo shīshe se Takrānā kyā

    bastī bastī parbat parbat vahshat hai dhuup 'ziyā'

    chāroñ jānib vīrānī hai dil ik vīrāna kyā

    pyar kiya tha tum se main ne ab ehsan jatana kya

    KHwab huin wo pyar ki baaten baaton ko dohrana kya

    rah-e-wafa hai ham-safro pur-azm raho han tez chalo

    chaar qadam pe manzil hai ab rah se wapas jaana kya

    sang-zani o tana-zani is daur ka shewa hai yaro

    apne dil mein khoT nahin jab duniya se ghabrana kya

    mai-KHane mein daur chale main ek ek bund ko tarsa hun

    saqi bhi hai meri nazar mein shisha kya paimana kya

    mere dil ko toD ke aaKHir kya khoya kya paya hai

    shahr-e-sanam mein rahne walo shishe se Takrana kya

    basti basti parbat parbat wahshat ki hai dhup 'ziya'

    chaaron jaanib virani hai dil ka ek virana kya

    Source:

    • Book : shahr-e-sanam (Pg. 51)
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY