پیار مجھ کو ملا تیرا سوغات میں
پیار مجھ کو ملا تیرا سوغات میں
جیت میری ہوئی عشق کی مات میں
اپنے ہاتھوں کو تم دو مرے ہاتھ میں
ساتھ دینے کا وعدہ کرو ساتھ میں
یہ درخت اتنی گرمی تپن جھیل کر
اٹھ کھڑے ہوں گے دوبارہ برسات میں
توڑ کر دل مرا وہ بھی چلتے بنے
جن پہ آیا تھا دل اک ملاقات میں
نا بجھیں گے مرے حوصلوں کے چراغ
اے ہواؤں ذرا رہ لو اوقات میں
جاں سے پیارے تھے جو بھی ترے منتظرؔ
وہ خفا ہو گئے بس ذرا بات میں
Additional information available
Click on the INTERESTING button to view additional information associated with this sher.
About this sher
Close
rare Unpublished content
This ghazal contains ashaar not published in the public domain. These are marked by a red line on the left.
