qatil nazar ki zad pe main aane se bach gaya

qātil nazar kī zad pe maiñ aane se bach gayā

phir zaḳhm apne dil pe maiñ khāne se bach gayā

achchhā huā ki tum ne nazar mujh se pher lī

maiñ bhī ġhamoñ kā bojh uThāne se bach gayā

iz.hār us ne ḳhud hī mohabbat kā kar diyā

dil kī maiñ baat hoñToñ pe laane se bach gayā

patthar thā aa.ina maiñ samajhtā rahā jise

ik bevafā se dil ko lagāne se bach gayā

sar ko jhukā ke dar pe tire fā.ede meñ huuñ

har dar pe apne sar ko jhukāne se bach gayā

qatil nazar ki zad pe main aane se bach gaya

phir zaKHm apne dil pe main khane se bach gaya

achchha hua ki tum ne nazar mujh se pher li

main bhi ghamon ka bojh uThane se bach gaya

izhaar us ne KHud hi mohabbat ka kar diya

dil ki main baat honTon pe lane se bach gaya

patthar tha aaina main samajhta raha jise

ek bewafa se dil ko lagane se bach gaya

sar ko jhuka ke dar pe tere faede mein hun

har dar pe apne sar ko jhukane se bach gaya