qadam qadam pe ajab hadsat-e-gham guzre

Mahir Al-Hameedi

qadam qadam pe ajab hadsat-e-gham guzre

Mahir Al-Hameedi

MORE BYMahir Al-Hameedi

    qadam qadam pe ajab hādsāt-e-ġham guzre

    jahāñ jahāñ se tirī justujū meñ ham guzre

    ġham-e-hayāt ko le kar jidhar se ham guzre

    hujūm-e-hādisa-e-nau-ba-nau baham guzre

    na raas aa.e mirī zindagī mujhe ai dost

    kabhī garāñ jo mire dil pe terā ġham guzre

    qadam qadam pe huā imtihān-e-hosh-o-ḳhirad

    ḳhudā shukr ki dāman bachā ke ham guzre

    nazar meñ raqs-kunāñ hai tasavvur-e-ruḳh-e-dost

    ye kah do bād-e-sabā se dabe qadam guzre

    jabīñ jhuke to simaT aa.e āstān-e-habīb

    vo sajda kyā jo ba-qaid-e-dar-e-haram guzre

    milī jahāñ se matā-e-ḳhushī zamāne ko

    ham us maqām se 'māhir' ba-chashm-e-nam guzre

    qadam qadam pe ajab hadsat-e-gham guzre

    jahan jahan se teri justuju mein hum guzre

    gham-e-hayat ko le kar jidhar se hum guzre

    hujum-e-hadisa-e-nau-ba-nau baham guzre

    na ras aae meri zindagi mujhe ai dost

    kabhi garan jo mere dil pe tera gham guzre

    qadam qadam pe hua imtihan-e-hosh-o-KHirad

    KHuda ka shukr ki daman bacha ke hum guzre

    nazar mein raqs-kunan hai tasawwur-e-ruKH-e-dost

    ye kah do baad-e-saba se dabe qadam guzre

    jabin jhuke to simaT aae aastan-e-habib

    wo sajda kya jo ba-qaid-e-dar-e-haram guzre

    mili jahan se mata-e-KHushi zamane ko

    hum us maqam se 'mahir' ba-chashm-e-nam guzre

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY