qalil aap nahin aur hum kasir nahin

qalīl aap nahīñ aur ham kasīr nahīñ

huqūq sab ke haiñ yaksāñ koī haqīr nahīñ

jo vaqt aa.e to merā bhī imtihāñ le lo

vafā-shi.ār huuñ murda mirā zamīr nahīñ

paḌe jo vaqt to faulād se bhī Takrā.e

mirā vajūd faqat ḳhaak kā ḳhamīr nahīñ

mire vajūd se nafrat tumheñ hai kyā ma.anī

bahut aham huuñ tumhāre liye haqīr nahīñ

bharī bahār meñ manzar ḳhizāñ kā lagtā hai

chaman meñ phuul qafas meñ koī asiir nahīñ

darāz koī bhī kartā nahīñ hai dast-e-talab

hamāre shahr meñ shāyad koī faqīr nahīñ

kahīñ vo apnī Dagar se bhaTak na jaa.e 'habīb'

rah-e-talab kī jamā.at kā jab amiir nahīñ

qalil aap nahin aur hum kasir nahin

huquq sab ke hain yaksan koi haqir nahin

jo waqt aae to mera bhi imtihan le lo

wafa-shiar hun murda mera zamir nahin

paDe jo waqt to faulad se bhi Takrae

mera wajud faqat KHak ka KHamir nahin

mere wajud se nafrat tumhein hai kya mani

bahut aham hun tumhaare liye haqir nahin

bhari bahaar mein manzar KHizan ka lagta hai

chaman mein phul qafas mein koi asir nahin

daraaz koi bhi karta nahin hai dast-e-talab

hamare shahr mein shayad koi faqir nahin

kahin wo apni Dagar se bhaTak na jae 'habib'

rah-e-talab ki jamaat ka jab amir nahin