qayamat hai shab-e-wada ka itna muKHtasar hona

qayāmat hai shab-e-vāda kā itnā muḳhtasar honā

falak kā shaam se dast-o-garebān-e-sahar honā

shab-e-tārīk ne pahlū dabāyā roz-e-raushan kā

zahe qismat mire bālīñ pe terā jalvagar honā

havā-e-tund se kab tak laḌegā shola-e-sarkash

abas hai ḳhud-numā.ī kī havas meñ jalvagar honā

diyār-e-be-ḳhudī hai apne haq meñ gosha-e-rāhat

ġhanīmat hai ghaḌī bhar ḳhvāb-e-ġhaflat meñ basar honā

vahī saaqī vahī sāġhar vahī shīsha vahī baada

magar lāzim nahīñ har ek par yaksāñ asar honā

sunā karte the aaj āñkhoñ se dekheñ dekhne vaale

nigāh-e-'yās' kā sañgīñ-diloñ par kārgar honā

qayamat hai shab-e-wada ka itna muKHtasar hona

falak ka sham se dast-o-gareban-e-sahar hona

shab-e-tarik ne pahlu dabaya roz-e-raushan ka

zahe qismat mere baalin pe tera jalwagar hona

hawa-e-tund se kab tak laDega shola-e-sarkash

abas hai KHud-numai ki hawas mein jalwagar hona

diyar-e-be-KHudi hai apne haq mein gosha-e-rahat

ghanimat hai ghaDi bhar KHwab-e-ghaflat mein basar hona

wahi saqi wahi saghar wahi shisha wahi baada

magar lazim nahin har ek par yaksan asar hona

suna karte the aaj aankhon se dekhen dekhne wale

nigah-e-'yas' ka sangin-dilon par kargar hona