qayamat hai shab-e-wada ka itna muKHtasar hona

Yagana Changezi

qayamat hai shab-e-wada ka itna muKHtasar hona

Yagana Changezi

MORE BYYagana Changezi

    qayāmat hai shab-e-vāda itnā muḳhtasar honā

    falak shaam se dast-o-garebān-e-sahar honā

    shab-e-tārīk ne pahlū dabāyā roz-e-raushan

    zahe qismat mire bālīñ pe terā jalvagar honā

    havā-e-tund se kab tak laḌegā shola-e-sarkash

    abas hai ḳhud-numā.ī havas meñ jalvagar honā

    diyār-e-be-ḳhudī hai apne haq meñ gosha-e-rāhat

    ġhanīmat hai ghaḌī bhar ḳhvāb-e-ġhaflat meñ basar honā

    vahī saaqī vahī sāġhar vahī shīsha vahī baada

    magar lāzim nahīñ har ek par yaksāñ asar honā

    sunā karte the aaj āñkhoñ se dekheñ dekhne vaale

    nigāh-e-'yās' sañgīñ-diloñ par kārgar honā

    qayamat hai shab-e-wada ka itna muKHtasar hona

    falak ka sham se dast-o-gareban-e-sahar hona

    shab-e-tarik ne pahlu dabaya roz-e-raushan ka

    zahe qismat mere baalin pe tera jalwagar hona

    hawa-e-tund se kab tak laDega shola-e-sarkash

    abas hai KHud-numai ki hawas mein jalwagar hona

    diyar-e-be-KHudi hai apne haq mein gosha-e-rahat

    ghanimat hai ghaDi bhar KHwab-e-ghaflat mein basar hona

    wahi saqi wahi saghar wahi shisha wahi baada

    magar lazim nahin har ek par yaksan asar hona

    suna karte the aaj aankhon se dekhen dekhne wale

    nigah-e-'yas' ka sangin-dilon par kargar hona

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 2-3-4 December 2022 - Major Dhyan Chand National Stadium, Near India Gate, New Delhi

    GET YOUR FREE PASS
    Speak Now