قیاس و یاس کی حد سے نکل کر
قیاس و یاس کی حد سے نکل کر
چلی جاؤں کہیں چہرہ بدل کر
اڑے گی راکھ پھر میری ہوا میں
سبک رفتار ہو جاؤں گی جل کر
میں سورج کے تعاقب میں رہوں گی
طلوع صبح ہو جاؤں گی ڈھل کر
طلسم مہر و مہ کو توڑ ڈالے
زمیں اپنی حرارت سے پگھل کر
ابھی پہلا قدم طے کر رہی ہوں
دوبارہ گر پڑی تھی میں سنبھل کر
رہیں پھولوں بھرے رستے سلامت
سفر کاٹوں گی انگاروں پہ چل کر
مرے عطار نے خوشبو بنائی
بہت معصوم پھولوں کو مسل کر
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
Close
rare Unpublished content
This ghazal contains ashaar not published in the public domain. These are marked by a red line on the left.
