qurbaten jab saza ho gain

qurbateñ jab sazā ho ga.iiñ

dūriyāñ tab davā ho ga.iiñ

chhū liyā gesuoñ ko tire

āñdhiyāñ bhī sabā ho ga.iiñ

yaar bāteñ vahī haiñ mirī

aaj lekin ḳhatā ho ga.iiñ

bastiyāñ thiiñ yahāñ kal talak

jaane kaise ḳhalā ho ga.iiñ

chal rahe the kaḌī dhuup meñ

us kī zulfeñ ghaTā ho ga.iiñ

hijratoñ ke nishāñ bhī kahāñ

yaad se bhī judā ho ga.iiñ

nafrateñ thiiñ diloñ meñ basī

dostoñ par bapā ho ga.iiñ

kāġhazoñ ke baḌe Dher meñ

hastiyāñ lāpata ho ga.iiñ

qurbaten jab saza ho gain

duriyan tab dawa ho gain

chhu liya gesuon ko tere

aandhiyan bhi saba ho gain

yar baaten wahi hain meri

aaj lekin KHata ho gain

bastiyan thin yahan kal talak

jaane kaise KHala ho gain

chal rahe the kaDi dhup mein

us ki zulfen ghaTa ho gain

hijraton ke nishan bhi kahan

yaad se bhi juda ho gain

nafraten thin dilon mein basi

doston par bapa ho gain

kaghazon ke baDe Dher mein

hastiyan lapata ho gain