قصور کیا ہے جو ہم سے خطائیں ہوتی ہیں

قصور کیا ہے جو ہم سے خطائیں ہوتی ہیں

حضور آپ کی قاتل ادائیں ہوتی ہیں

برسنا آتا نہیں ان کو ہے یہی رونا

فلک پے روز ہی کالی گھٹائیں ہوتی ہیں

گناہ عشق تو آنکھوں کا مشغلہ ٹھہرا

یہ کیا ستم ہے کہ دل کو سزائیں ہوتی ہیں

ذرا سی اوٹ اگر لے سکو تو اچھا ہے

دئیے کی تاک میں شاطر ہوائیں ہوتی ہیں

ہمارے پاس بھلا کیا ہے اور دینے کو

تمہارے واسطے دل میں دعائیں ہوتی ہیں

تجھے بھی سیکڑوں سمان مل گئے ہوتے

اکیلاؔ تجھ سے کہاں التجائیں ہوتی ہیں