راہبر انکشاف کرتا ہے
راہبر انکشاف کرتا ہے
عشق ہستی کو صاف کرتا ہے
عشق سے جس کی آشنائی ہو
حسن اس کا طواف کرتا ہے
جو سکھاتا تھا آئنی قدریں
اب وہی انحراف کرتا ہے
شان اس کی بلند ہوتی ہے
جو کسی کو معاف کرتا ہے
وصل کے خواب دیکھنے والا
ہجر کو ہی لحاف کرتا ہے
گرد سوچوں پہ جو پڑی اس کو
صرف آئینہ صاف کرتا ہے
جس نے سن لی اذان عشق انجمؔ
دشت میں اعتکاف کرتا ہے
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
Close
rare Unpublished content
This ghazal contains ashaar not published in the public domain. These are marked by a red line on the left.
