راہزن ہوں کہ رہنما ہوں میں
راہزن ہوں کہ رہنما ہوں میں
کون جانے کہ اصل کیا ہوں میں
وہ جو عبرت کا اک نشاں ٹھہرے
باغ والوں کو جانتا ہوں میں
مجھ سے خلق خدا لرزتی ہے
کس نوعیت کا پارسا ہوں میں
سادگی کو بھی جس پہ رشک آئے
اس تکلف کی انتہا ہوں میں
کس نے دیکھا یہ دیکھنا میرا
دل کی آنکھوں سے دیکھتا ہوں میں
بھیڑیے کی نگاہ ہے جن پر
ایسی بھیڑوں کو ہانکتا ہوں میں
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.