ras aati hai bahut aab-o-hawa sahra ki

raas aatī hai bahut āb-o-havā sahrā kī

jaane de dī hai tujhe kis ne duā sahrā kī

tujh ko milne se rahā shahr meñ vahshat kā ilaaj

tujh ko shāyad ki shifā baḳhshe havā sahrā kī

ham to lete haiñ mazā ghar meñ hī vīrānī kā

nāz-bardārī kare kaun bhalā sahrā kī

ik samundar hai mirī zaat ke paimāne meñ

Daal rakkhī hai magar us pe ridā sahrā kī

terā ham-zād tujhe shahr meñ milne se rahā

bāñdh le raḳht-e-safar ḳhaak uḌā sahrā kī

ras aati hai bahut aab-o-hawa sahra ki

jaane de di hai tujhe kis ne dua sahra ki

tujh ko milne se raha shahr mein wahshat ka ilaj

tujh ko shayad ki shifa baKHshe hawa sahra ki

hum to lete hain maza ghar mein hi virani ka

naz-bardari kare kaun bhala sahra ki

ek samundar hai meri zat ke paimane mein

Dal rakkhi hai magar us pe rida sahra ki

tera ham-zad tujhe shahr mein milne se raha

bandh le raKHt-e-safar KHak uDa sahra ki