راستہ پرخار دلی دور ہے
راستہ پرخار دلی دور ہے
سچ کہا ہے یار دلی دور ہے
کام دلی کے سوا ہوتے نہیں
اور ناہنجار دلی دور ہے
اب کسی جا بھی سکوں ملتا نہیں
آسماں قہار دلی دور ہے
پھونک دیتا ہے ہر اک کے کان میں
صبح کا اخبار دلی دور ہے
کل تلک کہتے ہیں دلی دور تھی
آج بھی سرکار دلی دور ہے
صبح گزری شام ہونے آئی میر
تیز کر رفتار دلی دور ہے
کون دلی سے مسیحا لائے گا
اے دل بیمار دلی دور ہے
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
Close
rare Unpublished content
This ghazal contains ashaar not published in the public domain. These are marked by a red line on the left.
