raat ka husn bhala kab wo samajhta hoga

raat kā husn bhalā kab vo samajhtā hogā

chāñd be-faiz añdheroñ meñ nikaltā hogā

chand lamhoñ kī rifāqat kā asar hai shāyad

dard mīThā sā kahīñ aur bhī uThtā hogā

hichkiyoñ se yahī andāza lagāyā ham ne

yaad koī to dil-o-jān se kartā hogā

saath guzre hue mausam kā tasavvur le kar

bārishoñ meñ vo har ek saal bahaktā hogā

bas yahī soch ke har roz likhā kartā huuñ

vo mirā ġham mire ash’ār meñ paḌhtā hogā

us ke ashkoñ kā gunahgār maiñ ho jā.ūñgā

vo mujhe yaad agar kar ke sisaktā hogā

yaad hoñgī use bhūlī huī qasmeñ 'zākir'

vo mire zikr pe chup-chāp Thahartā hogā

raat ka husn bhala kab wo samajhta hoga

chand be-faiz andheron mein nikalta hoga

chand lamhon ki rifaqat ka asar hai shayad

dard miTha sa kahin aur bhi uThta hoga

hichkiyon se yahi andaza lagaya hum ne

yaad koi to dil-o-jaan se karta hoga

sath guzre hue mausam ka tasawwur le kar

barishon mein wo har ek sal bahakta hoga

bas yahi soch ke har roz likha karta hun

wo mera gham mere ash’ar mein paDhta hoga

us ke ashkon ka gunahgar main ho jaunga

wo mujhe yaad agar kar ke sisakta hoga

yaad hongi use bhuli hui qasmen 'zakir'

wo mere zikr pe chup-chap Thaharta hoga