raat ke rahne ka na Dar kijiye
raat ke rahne kā na Dar kījiye
ek to shab yaañ bhī sahar kījiye
log kaheñge tumheñ harjā.ī hai
dil meñ ik aalam ke na ghar kījiye
dekhte ho merī taraf kyā miyāñ
apnī bhī sūrat pe nazar kījiye
aa hī liyā be-ḳhabarī ne hameñ
kaun hai yaañ kis ko ḳhabar kījiye
ġhair ko jā dete ho ghar meñ agar
mere ta.iiñ shahr-badar kījiye
dekh nigāheñ tirī kahtī hai ḳhalq
aisī nigāhoñ se hazar kījiye
phir nahīñ milnā tirā mushkil miyāñ
jaañ kā gar apnī zarar kījiye
manzil-e-hastī meñ bahut ham rahe
'mus.hafī' ab yaañ se safar kījiye
raat ke rahne ka na Dar kijiye
ek to shab yan bhi sahar kijiye
log kahenge tumhein harjai hai
dil mein ek aalam ke na ghar kijiye
dekhte ho meri taraf kya miyan
apni bhi surat pe nazar kijiye
aa hi liya be-KHabari ne hamein
kaun hai yan kis ko KHabar kijiye
ghair ko ja dete ho ghar mein agar
mere tain shahr-badar kijiye
dekh nigahen teri kahti hai KHalq
aisi nigahon se hazar kijiye
phir nahin milna tera mushkil miyan
jaan ka gar apni zarar kijiye
manzil-e-hasti mein bahut hum rahe
'mushafi' ab yan se safar kijiye
- Book : kulliyat-e-mas.hafii(awwal) (Pg. 425)
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
