رات سردی خوف جنگل اور میں
رات سردی خوف جنگل اور میں
ایک لڑکی ایک کمبل اور میں
بار ہوٹل فلم پکنک مستیاں
چار دن جنگل میں منگل اور میں
دیر تک کرتے ہیں تیری گفتگو
ایش ٹرے وسکی کی بوتل اور میں
روح تک جلتے ہوئے ماتھے کا شور
اک ہتھیلی نرم کومل اور میں
گاؤں مکتب بچپنا تختی کتاب
کھیل تھپڑ ماں کا آنچل اور میں
ٹوٹتے رہتے ہیں مٹی کے لئے
پھول خوشبو رنگ بادل اور میں
بھاگتی سڑکیں دھواں گرد و غبار
آٹو رکشا چوک بھاگل اور میں
- کتاب : دل پرندہ ہے (Pg. 76)
- Author : شکیل اعظمی
- مطبع : ریختہ پبلی کیشنز (2023)
- اشاعت : First
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.