رات سنسان دشت و در خاموش

حمایت علی شاعر

رات سنسان دشت و در خاموش

حمایت علی شاعر

MORE BYحمایت علی شاعر

    رات سنسان دشت و در خاموش

    چاند تارے شجر حجر خاموش

    کوئی آواز پا نہ بانگ جرس

    کارواں اور اس قدر خاموش

    ہر طرف اک مہیب سناٹا

    دل دھڑکتا تو ہے مگر خاموش

    ہوئے جاتے ہیں کس لیے آخر

    ہم سفر بات بات پر خاموش

    ہیں یہ آداب رہ گزر کہ خوف

    راہرو چپ ہیں راہبر خاموش

    مختصر ہو نہ ہو شب تاریک

    ہم کو جلنا ہے تا سحر خاموش

    ڈھل چکی رات بجھ گئیں شمعیں

    راہ تکتی ہے چشم تر خاموش

    جانے کیا بات کر رہے تھے کہ ہم

    ہو گئے ایک نام پر خاموش

    ہم سے شاعرؔ بھی ہو گئے آخر

    رنگ حالات دیکھ کر خاموش

    RECITATIONS

    نعمان شوق

    نعمان شوق,

    نعمان شوق

    رات سنسان دشت و در خاموش نعمان شوق

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY
    بولیے