rabt ho ghair se agar kuchh hai
rabt ho ġhair se agar kuchh hai
is taraf bhī magar nazar kuchh hai
be-ḳhabar hai vo har do aalam se
jis ko us shoḳh ko ḳhabar kuchh hai
yaañ koī mājrā-sharīk nahīñ
hai agar kuchh to chashm-e-tar kuchh hai
miT gayā qissa mar gayā āshiq
ho mubārak tumheñ ḳhabar kuchh hai
justujū hai vahīñ vahīñ hai nazar
jalva-rezī jidhar jidhar kuchh hai
hai tamāshā ba-qadr-e-zauq-e-nigāh
dekhtā huuñ jidhar udhar kuchh hai
bad balā hai kisī kisī kī nazar
tum na jaanā ki baam par kuchh hai
azm sū-e-adam to hai 'raunaq'
tosha-e-rāh bhī magar kuchh hai
rabt ho ghair se agar kuchh hai
is taraf bhi magar nazar kuchh hai
be-KHabar hai wo har do aalam se
jis ko us shoKH ko KHabar kuchh hai
yan koi majra-sharik nahin
hai agar kuchh to chashm-e-tar kuchh hai
miT gaya qissa mar gaya aashiq
ho mubarak tumhein KHabar kuchh hai
justuju hai wahin wahin hai nazar
jalwa-rezi jidhar jidhar kuchh hai
hai tamasha ba-qadr-e-zauq-e-nigah
dekhta hun jidhar udhar kuchh hai
bad bala hai kisi kisi ki nazar
tum na jaana ki baam par kuchh hai
azm su-e-adam to hai 'raunaq'
tosha-e-rah bhi magar kuchh hai
Source:
intekhaabe-e-sukhan(jild-duum) (Pg. 126)
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
