rafta rafta dil-e-be-tab Thahar jaega

Urooj Zaidi Badayuni

rafta rafta dil-e-be-tab Thahar jaega

Urooj Zaidi Badayuni

MORE BYUrooj Zaidi Badayuni

    rafta rafta dil-e-be-tāb Thahar jā.egā

    rafta rafta tirī nazroñ asar jā.egā

    daad be-dād is meñ koī taḳhsīs nahīñ

    naqsh-e-hastī meñ koī rañg to bhar jā.egā

    aap agar mā.il-e-tajdīd-e-sitam ho jaa.eñ

    rañg-e-ta.alīm-e-vafā aur nikhar jā.egā

    arz-e-tishna pe baras abr-e-ravāñ khul ke baras

    baat rah jā.egī ye vaqt guzar jā.egā

    dhuup aur chhāñv musallam magar apnī had meñ

    vaqt pāband nahīñ hai ki Thahar jā.egā

    raushnī meñ hai charāġhoñ ke tale tārīkī

    ham samajhte the ki māhaul sañvar jā.egā

    ishq to apnī jagah kaif-e-musalsal hai 'urūj'

    nashsha-e-bāda nahīñ hai jo utar jā.egā

    rafta rafta dil-e-be-tab Thahar jaega

    rafta rafta teri nazron ka asar jaega

    dad be-dad ki is mein koi taKHsis nahin

    naqsh-e-hasti mein koi rang to bhar jaega

    aap agar mail-e-tajdid-e-sitam ho jaen

    rang-e-talim-e-wafa aur nikhar jaega

    arz-e-tishna pe baras abr-e-rawan khul ke baras

    baat rah jaegi ye waqt guzar jaega

    dhup aur chhanw musallam magar apni had mein

    waqt paband nahin hai ki Thahar jaega

    raushni mein hai charaghon ke tale tariki

    hum samajhte the ki mahaul sanwar jaega

    ishq to apni jagah kaif-e-musalsal hai 'uruj'

    nashsha-e-baada nahin hai jo utar jaega

    Source:

    • Book : Tahreek Silver Jubilee Number (Pg. 412)
    • Author : Gopal Mittal, Makhmoor Saeedi, Prem Gopal Mittal
    • Publication : Monthly Tahreek, 9, Ansari Market, Daryaganj, New Delhi-110002 (Edition July, Aug., Sep. Oct. 1978,Volume No. 26,Issue No. 4,5,6,7,)
    • Edition : Edition July, Aug., Sep. Oct. 1978,Volume No. 26,Issue No. 4,5,6,7,
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY