ragon ka KHun suKHan mein nichoD kar rakh dun

ragoñ kā ḳhuun suḳhan meñ nichoḌ kar rakh duuñ

bisāt-e-‘ijz pe kyā chāhiye ye sar rakh duuñ

ḳhudā-e-'ishq kī zau-reziyāñ tamām huiiñ

ma.āl-e-kār-e-hunar ye hai ab hunar rakh duuñ

kisī kī yaad meñ āñkhoñ se nuur bahtā ho

kisī kī yaad meñ āñkhoñ ko reg par rakh duuñ

agar kaho to sar-e-‘ishq maiñ rahūñ mad.hosh

agar kaho to yahīñ saare karr-o-far rakh duuñ

pa.e-adab ye qadam-bos hone lagtā hai

furāt-e-ram meñ qadam bhī kahīñ agar rakh duuñ

kisī kī yaad kī hurmat se bach nikaltā hai

ḳhayāl aatā hai siine ko chiir kar rakh duuñ

ragon ka KHun suKHan mein nichoD kar rakh dun

bisat-e-‘ijz pe kya chahiye ye sar rakh dun

KHuda-e-'ishq ki zau-reziyan tamam huin

maal-e-kar-e-hunar ye hai ab hunar rakh dun

kisi ki yaad mein aankhon se nur bahta ho

kisi ki yaad mein aankhon ko reg par rakh dun

agar kaho to sar-e-‘ishq main rahun madhosh

agar kaho to yahin sare karr-o-far rakh dun

pae-adab ye qadam-bos hone lagta hai

furaat-e-ram mein qadam bhi kahin agar rakh dun

kisi ki yaad ki hurmat se bach nikalta hai

KHayal aata hai sine ko chir kar rakh dun