rah-e-yaqin pe guman ka ghubar aata hai

rah-e-yaqīñ pe gumāñ kā ġhubār aatā hai

jab us ko paar karo tab qarār aatā hai

tamām bhiiḌ chalātī hai ik ḳhudā se hī kaam

kisī kisī ke sahīfe meñ yaar aatā hai

'ajab nahīñ hai jo donoñ hī ho ga.e patthar

use bhī merī tarah intizār aatā hai

tirī pasand hī merī pasand hai shāyad

kabhī kabhī mujhe mujh par bhī pyaar aatā hai

dayār-e-sīna-e-ḳhālī se ḳhauf mat khaao

yahāñ pe dekhnā parvardigār aatā hai

maiñ garm-o-sard meñ uljhā huuñ mausam-e-dil ke

go bārishoñ kā mujhe ishtihār aatā hai

rah-e-yaqin pe guman ka ghubar aata hai

jab us ko par karo tab qarar aata hai

tamam bhiD chalati hai ek KHuda se hi kaam

kisi kisi ke sahife mein yar aata hai

'ajab nahin hai jo donon hi ho gae patthar

use bhi meri tarah intizar aata hai

teri pasand hi meri pasand hai shayad

kabhi kabhi mujhe mujh par bhi pyar aata hai

dayar-e-sina-e-KHali se KHauf mat khao

yahan pe dekhna parwardigar aata hai

main garm-o-sard mein uljha hun mausam-e-dil ke

go barishon ka mujhe ishtihaar aata hai