rah gaya duniya mein wo ban kar tamasha umr bhar

rah gayā duniyā meñ vo ban kar tamāshā umr bhar

jis ne apnī zindagī ko khel samjhā umr bhar

tum amīr-e-shahr ke ghar ko jalā kar dekhnā

ghar meñ ho jā.egā muflis ke ujālā umr bhar

aisā lagtā hai ki ab vo qabr tak jā.egī saath

dil ke ḳhānoñ meñ nihāñ thī jo tamannā umr bhar

qarz merī qaum vo kaise chukā.egī bhalā

suud ḳhud ko bech kar jis kā utaar umr bhar

jāntā huuñ mujh ko Das legā vo mār-e-āstīñ

jis ko apnā ḳhuuñ pilā kar maiñ ne paalā umr bhar

zindagī ne.amat thī jis ko pā ke tum ḳhush the 'sabīh'

ab kaho kyā zindagī se tum ne paayā umr bhar

rah gaya duniya mein wo ban kar tamasha umr bhar

jis ne apni zindagi ko khel samjha umr bhar

tum amir-e-shahr ke ghar ko jala kar dekhna

ghar mein ho jaega muflis ke ujala umr bhar

aisa lagta hai ki ab wo qabr tak jaegi sath

dil ke KHanon mein nihan thi jo tamanna umr bhar

qarz meri qaum wo kaise chukaegi bhala

sud KHud ko bech kar jis ka utar umr bhar

jaanta hun mujh ko Das lega wo mar-e-astin

jis ko apna KHun pila kar main ne pala umr bhar

zindagi neamat thi jis ko pa ke tum KHush the 'sabih'

ab kaho kya zindagi se tum ne paya umr bhar