rahe dariya-e-suKHan yunhi rawan mere baad

Zia Faruqi

rahe dariya-e-suKHan yunhi rawan mere baad

Zia Faruqi

MORE BYZia Faruqi

    rahe dariyā-e-suḳhan yūñhī ravāñ mere ba.ad

    bāñjh ho jaa.e na ġhālib zabāñ mere ba.ad

    kaun degā unheñ ḳhushbū jahāñ mere ba.ad

    kis se lipTeñge ye nāzuk-badnāñ mere ba.ad

    kū-ba-kū phirtī hai ab chāroñ-taraf āvāra

    bū-e-gul ko na milī jā-e-amāñ mere ba.ad

    laakh maiñ nañg-e-suḳhan huuñ pa yaqīñ hai mujh ko

    log DhūñDeñge mirā tarz-e-bayāñ mere ba.ad

    chhoḌ kar jā.ūñgā maiñ ghar meñ ujāle subūt

    kaam aa.egā ye tāqoñ dhuāñ mere ba.ad

    yaar sab chal diye bāzār-e-havas jānib

    ho ga.ī rāh-e-junūñ kam-guzarāñ mere ba.ad

    maiñ ki ḳhātam bhī huuñ ḳhud apnī tabī.at 'ziyā'

    qat huā silsila-e-āh-o-fuġhāñ mere ba.ad

    rahe dariya-e-suKHan yunhi rawan mere baad

    banjh ho jae na ghaalib ki zaban mere baad

    kaun dega unhen KHushbu ka jahan mere baad

    kis se lipTenge ye nazuk-badnan mere baad

    ku-ba-ku phirti hai ab chaaron-taraf aawara

    bu-e-gul ko na mili ja-e-aman mere baad

    lakh main nang-e-suKHan hun pa yaqin hai mujh ko

    log DhunDenge mera tarz-e-bayan mere baad

    chhoD kar jaunga main ghar mein ujale ka subut

    kaam aaega ye taqon ka dhuan mere baad

    yar sab chal diye bazar-e-hawas ki jaanib

    ho gai rah-e-junun kam-guzaran mere baad

    main ki KHatam bhi hun KHud apni tabiat ka 'ziya'

    qat hua silsila-e-ah-o-fughan mere baad

    Source :
    • Book : Pas-e-Gard-e-Safar (Pg. 113)
    • Author : Zia Farooqui
    • Publication : Educational Publishing House (2009)
    • Edition : 2009
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY