رہی رات ان سے ملاقات کم
مدارات خاصی ہوئی بات کم
تری یاد اتنا بڑا کام ہے
کہ معلوم ہوتے ہیں دن رات کم
کہیں دل بہلتا نہیں شہر میں
نہ بازار کم ہیں نہ باغات کم
محبت میں ہوتی ہیں انسان کو
شکستیں زیادہ فتوحات کم
سنبھالے ہوئے ہے یہ شعبہ بھی دل
اب آنکھوں سے ہوتی ہے برسات کم
دماغوں کی پرواز معلوم ہے
سوالات وافر جوابات کم
بہت سوں سے اچھا ہوں پھر بھی شعورؔ
دگر گوں نہیں میرے حالات کم
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.