رحم کر او بد گمان آرزو

رحم کر او بد گمان آرزو

لٹ رہا ہے کاروان آرزو

ہوشیار او بد گمان آرزو

جاگ اٹھے اب خفتگان آرزو

رنگ لائی ہے فغان آرزو

منفعل ہے اب وہ جان آرزو

کیا کیا تو نے فغان آرزو

کر دئے ظاہر نشان آرزو

رخ بھی اب کرتے نہیں منزل کی سمت

تھک گئے آزردگان آرزو

ان کی آنکھوں میں بھی آنسو آ گئے

سن کے میری داستان آرزو

تھرتھرائی ہے جبین عاشقی

سامنے ہے آستان آرزو

دل ہی دل میں ہائے رے آداب حسن

کہہ رہا ہوں داستان آرزو

بیکسی نظروں سے تیری آشکار

میرا چہرہ ترجمان آرزو

آپ کیوں گریاں ہیں میرے حال پر

اور لیجے امتحان آرزو

میری صورت دیکھ کر وہ رو دئے

ہو گئی شرح نہان آرزو