rahta hai ek hiras sa qadmon ke sath sath
rahtā hai ik hirās sā qadmoñ ke saath saath
chaltā hai dasht dasht-navardoñ ke saath saath
hāthoñ kā rabt harf-e-ḳhafī se 'ajīb hai
hilte haiñ haath raaz kī bātoñ ke saath saath
uThtī huī fasīl-e-fuġhāñ hadd-e-shahr par
galiyoñ kī chup qadīm makānoñ ke saath saath
sūraj kī aab zahr hai rangoñ kī aab ko
hai duur tak buḳhār sā bāġhoñ ke saath saath
'uryāñ huā hai maah shab-e-abr-o-bād meñ
jaise safed raushnī ġhāroñ ke saath saath
aayā huuñ maiñ 'munīr' kisī kaam ke liye
rahtā hai ik ḳhayāl sā ḳhvāboñ ke saath saath
rahta hai ek hiras sa qadmon ke sath sath
chalta hai dasht dasht-nawardon ke sath sath
hathon ka rabt harf-e-KHafi se 'ajib hai
hilte hain hath raaz ki baaton ke sath sath
uThti hui fasil-e-fughan hadd-e-shahr par
galiyon ki chup qadim makanon ke sath sath
suraj ki aab zahr hai rangon ki aab ko
hai dur tak buKHar sa baghon ke sath sath
'uryan hua hai mah shab-e-abr-o-baad mein
jaise safed raushni ghaaron ke sath sath
aaya hun main 'munir' kisi kaam ke liye
rahta hai ek KHayal sa KHwabon ke sath sath
Source:
8 Gazal Go (Pg. 21)
- Author: javed Shaheen
-
- Edition: 1968
- Publisher: Maktaba Meri Library,Lahore
- Year of Publication: 1968
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.