rakkha hai yun qiyam tere dar ke aas-pas

rakkhā hai yuuñ qiyām tire dar ke ās-pās

bhauñre kī juuñ uḌaan gul-e-tar ke ās-pās

jo mo'tabar nahīñ vo saf-e-avvalīñ meñ haiñ

rakkhā gayā hameñ saf-e-kam-tar ke ās-pās

kab multafit ho jaane vo sairāb kab kare

phirtī hai merī pyaas samundar ke ās-pās

aisī qanā’atoñ kī hai ne'mat 'atā huī

jaatī nahīñ huuñ maiñ havas-e-zar ke ās-pās

tark-e-ta'alluqāt to manzūr hai mujhe

phaTke na par raqīb tire dar ke ās-pās

bhaTkā rahā thā qais ko jo dasht-e-'ishq meñ

rahtā hai vo junūn mire sar ke ās-pās

us zulf kī misāl shab-e-tīra ke qarīñ

tamsīl ruḳh kī māh-e-munavvar ke ās-pās

is kā.enāt meñ tū hī markaz tū hī madār

haiñ gardisheñ mirī tire mehvar ke ās-pās

'nasrīn' DhūñDhnā hai dil-e-gum-shuda agar

mil jā.egā tujhe dar-e-dil-bar ke ās-pās

rakkha hai yun qiyam tere dar ke aas-pas

bhaunre ki jun uDan gul-e-tar ke aas-pas

jo mo'tabar nahin wo saf-e-awwalin mein hain

rakkha gaya hamein saf-e-kam-tar ke aas-pas

kab multafit ho jaane wo sairab kab kare

phirti hai meri pyas samundar ke aas-pas

aisi qana’aton ki hai ne'mat 'ata hui

jati nahin hun main hawas-e-zar ke aas-pas

tark-e-ta'alluqat to manzur hai mujhe

phaTke na par raqib tere dar ke aas-pas

bhaTka raha tha qais ko jo dasht-e-'ishq mein

rahta hai wo junun mere sar ke aas-pas

us zulf ki misal shab-e-tira ke qarin

tamsil ruKH ki mah-e-munawwar ke aas-pas

is kaenat mein tu hi markaz tu hi madar

hain gardishen meri tere mehwar ke aas-pas

'nasrin' DhunDhna hai dil-e-gum-shuda agar

mil jaega tujhe dar-e-dil-bar ke aas-pas