raqs-e-shabab-o-rang-e-bahaaran nazar mein hai

Ram Krishn Muztar

raqs-e-shabab-o-rang-e-bahaaran nazar mein hai

Ram Krishn Muztar

MORE BYRam Krishn Muztar

    raqs-e-shabāb-o-rañg-e-bahārāñ nazar meñ hai

    ye tum nazar meñ ho ki gulistāñ nazar meñ hai

    ik raushnī se ālam-e-dil jagmagā uThā

    vo haiñ ki āftāb-e-daraḳhshāñ nazar meñ hai

    ahl-e-junūñ se kījiye ab chāk-e-dil baat

    dāman nazar meñ hai na garebāñ nazar meñ hai

    un ke karam se baḌhne lage dil ke hausle

    andāz-e-iltifāt-e-farāvāñ nazar meñ hai

    sau husn le ke aa.ī hai duniyā-e-ārzū

    ārā.ish-e-hayāt sāmāñ nazar meñ hai

    baḌhtī rahī haiñ mirī be-qarāriyāñ

    jab se kisī zulf-e-pareshāñ nazar meñ hai

    nazzāra-e-jamāl kiye der ho chukī

    ab tak faroġh-e-bazm-e-hasīnāñ nazar meñ hai

    halqa banā ke naach rahī haiñ tajalliyāñ

    kis mah-jabīñ chehra-e-tābāñ nazar meñ hai

    shāyad usī ke dam se hai qaa.em ummīd-e-zīst

    ik jāñ-faroz sham-e-farozāñ nazar meñ hai

    ham bhī nigāh-e-dost se nā-āshnā nahīñ

    har inqilāb-e-gardish-e-daurāñ nazar meñ hai

    'muztar' ko apne baḳht-e-rasā par hai aaj naaz

    āqā-'hasan' bazm-e-gul-afshāñ nazar meñ hai

    raqs-e-shabab-o-rang-e-bahaaran nazar mein hai

    ye tum nazar mein ho ki gulistan nazar mein hai

    ek raushni se aalam-e-dil jagmaga uTha

    wo hain ki aaftab-e-daraKHshan nazar mein hai

    ahl-e-junun se kijiye ab chaak-e-dil ki baat

    daman nazar mein hai na gareban nazar mein hai

    un ke karam se baDhne lage dil ke hausle

    andaz-e-iltifat-e-farawan nazar mein hai

    sau husn le ke aai hai duniya-e-arzu

    aaraish-e-hayat ka saman nazar mein hai

    baDhti hi ja rahi hain meri be-qarariyan

    jab se kisi ki zulf-e-pareshan nazar mein hai

    nazzara-e-jamal kiye der ho chuki

    ab tak farogh-e-bazm-e-hasinan nazar mein hai

    halqa bana ke nach rahi hain tajalliyan

    kis mah-jabin ka chehra-e-taban nazar mein hai

    shayad usi ke dam se hai qaem ummid-e-zist

    ek jaan-faroz sham-e-farozan nazar mein hai

    hum bhi nigah-e-dost se na-ashna nahin

    har inqilab-e-gardish-e-dauran nazar mein hai

    'muztar' ko apne baKHt-e-rasa par hai aaj naz

    aaqa-'hasan' ki bazm-e-gul-afshan nazar mein hai

    Source:

    Raqs-e-bahar
    • Raqs-e-bahar
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY