raqs karne lage hain paimane

raqs karne lage haiñ paimāne

kaun aaya hai aaj maiḳhāne

'ishq meñ mar-miTe haiñ parvāne

ab hazāroñ baneñge afsāne

phir kabhī un se guftugū na huī

aag aisī lagā.ī duniyā ne

zindagī muḌ ga.ī usī jānib

jis taraf chal diye haiñ dīvāne

uñgliyāñ kāTnī paḌīñ sab ko

shart aisī rakhī zuleḳhā ne

vo mirā naam tak nahīñ lete

kaan kis ne bhare ḳhudā jaane

kal kisī ko na tū ne pahchānā

ab tujhe koī kaise pahchāne

band sab ek saath haiñ 'tābish'

mai-kade masjideñ sanam-ḳhāne

raqs karne lage hain paimane

kaun aaya hai aaj maiKHane

'ishq mein mar-miTe hain parwane

ab hazaron banenge afsane

phir kabhi un se guftugu na hui

aag aisi lagai duniya ne

zindagi muD gai usi jaanib

jis taraf chal diye hain diwane

ungliyan kaTni paDin sab ko

shart aisi rakhi zuleKHa ne

wo mera nam tak nahin lete

kan kis ne bhare KHuda jaane

kal kisi ko na tu ne pahchana

ab tujhe koi kaise pahchane

band sab ek sath hain 'tabish'

mai-kade masjiden sanam-KHane