raqs karte jhumte aur jalte parwane mile

Shoque Moradabadi

raqs karte jhumte aur jalte parwane mile

Shoque Moradabadi

MORE BYShoque Moradabadi

    raqs karte jhūmte aur jalte parvāne mile

    muskurāte maut ke saa.e meñ dīvāne mile

    ahl-e-dil chalne lage jab bhī sū-e-dair-o-haram

    muntazir us raah meñ har baar maiḳhāne mile

    daur-e-māzī jab charāġh-e-yād se raushan huā

    vaqt khultī huī har tah meñ afsāne mile

    bhuul kar āzār-e-dil hairat meñ patthar ho ga.e

    dushmanoñ ke bhes meñ jab jāne-pahchāne mile

    ibtidā-e-ishq meñ sarsabz bāġhāt-e-ḳhayāl

    intihā-e-ishq meñ ābād dohrāne mile

    ālam-e-dīvāngī meñ aa gayā aisā maqām

    aayā nazar jab apne begāne mile

    kaun se fikr-o-tasavvur meñ piyā karte haiñ 'shauq'

    rañg meñ Duube hue sab jām-o-paimāne mile

    raqs karte jhumte aur jalte parwane mile

    muskuraate maut ke sae mein diwane mile

    ahl-e-dil chalne lage jab bhi su-e-dair-o-haram

    muntazir us rah mein har bar maiKHane mile

    daur-e-mazi jab charagh-e-yaad se raushan hua

    waqt ki khulti hui har tah mein afsane mile

    bhul kar aazar-e-dil hairat mein patthar ho gae

    dushmanon ke bhes mein jab jaane-pahchane mile

    ibtida-e-ishq mein sarsabz baghat-e-KHayal

    intiha-e-ishq mein aabaad dohrane mile

    aalam-e-diwangi mein aa gaya aisa maqam

    tu hi tu aaya nazar jab apne begane mile

    kaun se fikr-o-tasawwur mein piya karte hain 'shauq'

    rang mein Dube hue sab jam-o-paimane mile

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY