ras mein Duba hua lahraata badan kya kahna

Firaq Gorakhpuri

ras mein Duba hua lahraata badan kya kahna

Firaq Gorakhpuri

MORE BYFiraq Gorakhpuri

    ras meñ Duubā huā lahrātā badan kyā kahnā

    karvaTeñ letī huī sub.h-e-chaman kyā kahnā

    nigah-e-nāz meñ ye pichhle pahar rañg-e-ḳhumār

    niiñd meñ Duubī huī chandr-kiran kyā kahnā

    bāġh-e-jannat pe ghaTā jaise baras ke khul jaa.e

    ye suhānī tirī ḳhushbu-e-badan kyā kahnā

    Thahrī Thahrī nigāhoñ meñ ye vahshat kiran

    chauñke chauñke se ye āhū-e-ḳhutan kyā kahnā

    ruup sañgīt ne dhārā hai badan ye rachāv

    tujh pe lahlūt hai be-sāḳhta-pan kyā kahnā

    jaise lahrā.e koī sho.ala-kamar ye lachak

    sar-ba-sar ātish-e-sayyāl badan kyā kahnā

    jis tarah jalva-e-firdos havāoñ se chhine

    pairahan meñ tire rañgīnī-e-tan kyā kahnā

    jalva-o-parde ye rañg dam-e-nazzāra

    jis tarah adh-khule ghuñghaT meñ dulhan kyā kahnā

    dam-e-taqrīr khil uThte haiñ gulistāñ kyā kyā

    yuuñ to ik ġhuncha-e-nauras hai dahan kyā kahnā

    dil ke ā.īne meñ is tarah utartī hai nigāh

    jaise paanī meñ lachak jaa.e kiran kyā kahnā

    lahlahātā huā ye qad ye lahaktā joban

    zulf so mahkī huī rātoñ ban kyā kahnā

    mohabbat sitāra to javānī suhāg

    husn lau detā hai la.al-e-yaman kyā kahnā

    terī āvāz saverā tirī bāteñ taḌkā

    āñkheñ khul jaatī haiñ ejāz-e-suḳhan kyā kahnā

    zulf-e-shab-gūñ chamak paikar-e-sīmīñ damak

    dīp-mālā hai sar-e-gañg-o-jaman kyā kahnā

    nīlgūñ shabnamī kapḌoñ meñ badan ye jot

    jaise chhantī ho sitāroñ kiran kyā kahnā

    ras mein Duba hua lahraata badan kya kahna

    karwaTen leti hui subh-e-chaman kya kahna

    nigah-e-naz mein ye pichhle pahar rang-e-KHumar

    nind mein Dubi hui chandr-kiran kya kahna

    bagh-e-jannat pe ghaTa jaise baras ke khul jae

    ye suhani teri KHushbu-e-badan kya kahna

    Thahri Thahri si nigahon mein ye wahshat ki kiran

    chaunke chaunke se ye aahu-e-KHutan kya kahna

    rup sangit ne dhaara hai badan ka ye rachaw

    tujh pe lahlut hai be-saKHta-pan kya kahna

    jaise lahrae koi shoala-kamar ki ye lachak

    sar-ba-sar aatish-e-sayyal badan kya kahna

    jis tarah jalwa-e-firdos hawaon se chhine

    pairahan mein tere rangini-e-tan kya kahna

    jalwa-o-parde ka ye rang dam-e-nazzara

    jis tarah adh-khule ghunghaT mein dulhan kya kahna

    dam-e-taqrir khil uThte hain gulistan kya kya

    yun to ek ghuncha-e-nauras hai dahan kya kahna

    dil ke aaine mein is tarah utarti hai nigah

    jaise pani mein lachak jae kiran kya kahna

    lahlahata hua ye qad ye lahakta joban

    zulf so mahki hui raaton ka ban kya kahna

    tu mohabbat ka sitara to jawani ka suhag

    husn lau deta hai lal-e-yaman kya kahna

    teri aawaz sawera teri baaten taDka

    aankhen khul jati hain ejaz-e-suKHan kya kahna

    zulf-e-shab-gun ki chamak paikar-e-simin ki damak

    dip-mala hai sar-e-gang-o-jaman kya kahna

    nilgun shabnami kapDon mein badan ki ye jot

    jaise chhanti ho sitaron ki kiran kya kahna

    Source :
    • Book : Irtiqa, 36 Firaaq No. (Pg. 429)
    • Author : Hasan Abid, Wahid Bashiir, Rahat Sayeed
    • Publication : Irtiqa Matbuaat, Karachi, (pakistan)
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY