rasm-e-matam ko ada naz se karne wale

rasm-e-mātam ko adā naaz se karne vaale

ḳhush raheñ phuul mirī qabr pe karne vaale

jurm-e-ulfat ke sazā-vār hī Thahre 'ushshāq

kuchh na pūchhe ga.e mahshar meñ mukarne vaale

zulm kī ḳhū na chhuTe shauq-e-jafā bhī na miTe

ek Thokar sahī marqad pe guzarne vaale

ḳhud hī de dete haiñ baḌh kar vo ajal ko paiġhām

maut kī raah nahīñ dekhte marne vaale

vā’da-e-dīd pe 'rāfat' ko ho kis tarh yaqīñ

tum to har vaqt ho kah kah ke mukarne vaale

rasm-e-matam ko ada naz se karne wale

KHush rahen phul meri qabr pe karne wale

jurm-e-ulfat ke saza-war hi Thahre 'ushshaq

kuchh na puchhe gae mahshar mein mukarne wale

zulm ki KHu na chhuTe shauq-e-jafa bhi na miTe

ek Thokar sahi marqad pe guzarne wale

KHud hi de dete hain baDh kar wo ajal ko paigham

maut ki rah nahin dekhte marne wale

wa’da-e-did pe 'rafat' ko ho kis tarh yaqin

tum to har waqt ho kah kah ke mukarne wale