رونق دل نکھار کر رہیے
رونق دل نکھار کر رہیے
اس کا غم ہے سنوار کر رکھیے
چاہے چھوٹی ہو عشق کی چادر
پاؤں اپنے پسار کر رکھیے
آئیے کھل کے بات کرتے ہیں
پہلے چہرہ اتار کر رکھیے
اس میں خیرات پڑنے والی ہے
اپنا برتن سنوار کر رکھیے
جب تلک لوٹ کر نہ آئے وہ
اس کو تب تک پکار کر رکھیے
روح واپس پلٹنے والی ہے
جسم کو تار تار کر رکھیے
جیت جاؤ گے رہتی دنیا تک
عشق میں خود کو ہار کر رکھیے
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
Close
rare Unpublished content
This ghazal contains ashaar not published in the public domain. These are marked by a red line on the left.
