raushni jab ghar ke bahar ek ek manzar mein hai
raushnī jab ghar ke bāhar ek ik manzar meñ hai
kyoñ añdherā hī añdherā phir hamāre ghar meñ hai
us ke aage haath phailā kar koī kyā pā.egā
muddatoñ se qaid ḳhud hī jo kisī patthar meñ hai
band darvāze pe dastak dene vaale soch le
terā chehra āshnā bhī kyā koī is ghar meñ hai
barf kī sūrat pighaltā jā rahā huuñ rāt-din
kaun sā sho'la mire ThiThure hue paikar meñ hai
bhuul kar 'sājid' agar patthar hī koī pheñk de
jaag uThe phir vo sadā jo ḳhāmushī ke ghar meñ hai
raushni jab ghar ke bahar ek ek manzar mein hai
kyon andhera hi andhera phir hamare ghar mein hai
us ke aage hath phaila kar koi kya paega
muddaton se qaid KHud hi jo kisi patthar mein hai
band darwaze pe dastak dene wale soch le
tera chehra aashna bhi kya koi is ghar mein hai
barf ki surat pighalta ja raha hun raat-din
kaun sa sho'la mere ThiThure hue paikar mein hai
bhul kar 'sajid' agar patthar hi koi phenk de
jag uThe phir wo sada jo KHamushi ke ghar mein hai
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
