aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

raushni kar de sar-ba-sar maula

Tahir Adeem

raushni kar de sar-ba-sar maula

Tahir Adeem

MORE BYTahir Adeem

    Interesting Fact

    (For his son Sujawal Sultan)

    raushnī kar de sar-ba-sar maulā

    us āñkhoñ meñ nuur bhar maulā

    sirf terā use sahārā ho

    sirf terā us ko Dar maulā

    us ḳhush-qismatī rahe daa.im

    us se qaa.em hai merā ghar maulā

    us parvāz ho surayyā tak

    kar de mazbūt us ke par maulā

    nekiyāñ hoñ qarīb aur qarīb

    duur us se hoñ saare shar maulā

    shab-e-tīra meñ mere kamsin ke

    hausloñ ko buland kar maulā

    ye mujhe is qadar zarūrī hai

    jaise ghar ke liye ho dar maulā

    bar-zarūrat tasalliyoñ ke liye

    dauḌ kar aa.eñ bahr-o-bar maulā

    sirf kahnā hai lafz kun ne

    sirf lagnā hai lamha bhar maulā

    hāl-e-dil jab batā diyā tujh ko

    yuuñ lagā ho ga.ī sahar maulā

    aur jo kuchh na kah sakā baabā

    kah rahī hai ye chashm-e-tar maulā

    sab ko ye kah diyā hai 'tāhir' ne

    merā koī nahīñ magar maulā

    raushni kar de sar-ba-sar maula

    us ki aankhon mein nur bhar maula

    sirf tera use sahaara ho

    sirf tera hi us ko Dar maula

    us ki KHush-qismati rahe daim

    us se qaem hai mera ghar maula

    us ki parwaz ho surayya tak

    kar de mazbut us ke par maula

    nekiyan hon qarib aur qarib

    dur us se hon sare shar maula

    shab-e-tira mein mere kamsin ke

    hauslon ko buland kar maula

    ye mujhe is qadar zaruri hai

    jaise ghar ke liye ho dar maula

    bar-zarurat tasalliyon ke liye

    dauD kar aaen bahr-o-bar maula

    sirf kahna hai lafz kun tu ne

    sirf lagna hai lamha bhar maula

    haal-e-dil jab bata diya tujh ko

    yun laga ho gai sahar maula

    aur jo kuchh na kah saka baba

    kah rahi hai ye chashm-e-tar maula

    sab ko ye kah diya hai 'tahir' ne

    mera koi nahin magar maula

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now